泛暴區員鬼打鬼 互踢隔離營選址

徐遠華對范國威嘅動議表示強烈反對。 fb截圖

香港確診新冠肺炎嘅個案持續增加,政府需要搵多啲地方做隔離檢疫以應對情況,但泛暴派就話18區都唔畀設立隔離設施同指定診所,似乎想病人周街走。噚日佢哋仲為咗呢件事開始鬼打鬼。

范國威被批挑矛盾

事緣喺西貢區議會噚日通過「新民主同盟」范國威提出的臨時動議,要求政府使用石崗軍營、迪士尼酒店、海洋公園酒店同海上遊輪做隔離設施,咁就辣着其他區嘞。南區區議員、民主黨徐遠華隨即喺facebook隔空反對將海洋公園酒店作為隔離營,要求西貢區議會重提動議,唔好挑起「社區矛盾」喎。

徐遠華喺坉耖b專頁「黃竹坑光影」度話,海洋公園酒店隔一條馬路就係黃竹坑新圍村,鄰近老人院,所以強烈反對將酒店作為疫情隔離中心。

佢又話相信西貢區議會明白「己所不欲,勿施於人」,叫對方重提動議,唔好將海洋公園酒店列入提議名單度,以免挑起社區矛盾。

民主黨柴文瀚即刻幫口話,相同陣營就要協調,應該攞政府持股51%嘅迪士尼酒店做隔離設施,其他區講多無謂喎,只會俾人哋有「離間機會」咁話。唔知范國威理唔理佢哋呢?

來源:香港文匯報

發佈留言

發佈留言必須填寫的電子郵件地址不會公開。 必填欄位標示為 *